Rainy Blog

   

      嘩 ， 世 盃 打 足 一 個 月 ， IT 妹 個 男 友 話 要 成 班 麻 甩 佬 煲 波 喎 ， 今 晚 又 冇 我 份 ！ 好 彩 ， 下 個 月 世 盃 到 尾 聲 ， 輪 到 我 唔 得 閒 喇 ， 事 關 小 妹 至 Rain 打 正 牌 頭 出 Game ， 有 大 量 MV 睇 之 餘 仲 有 得 玩 遊 戲 ， 實 行 住 部 PSP 同 韓 國 MJ 「 互 動 」 一 番 ， 稍 為 彌 補 我 心 靈 創 傷 ！

記 者 ︰ 陸 俊 雄
攝 影 ︰ 譚 盈 傑

Image Girl ︰ Ruby
       

    ■ 遊 戲 內 收 錄 大 堆 Rain 影 片 ， 雖 然 試 玩 時 係 日 文 ， 不 過 行 貨 推 出 時 會 換 成 全 中 文 。 
      

     呢 款 PSP 遊 戲 名 為 《 Rain Wonder Trip 》 ， 顧 名 思 義 全 Game 都 係 圍 繞 Rain 事 件 玩 ， 最 新 鮮 滾 熱 辣 梗 係 最 新 MV 《 Bad Boy 》 ！ 呢 套 MV 來 頭 唔 小 ， 遠 赴 美 國 拍 攝 兼 使 成 千 萬 港 紙 ！ Rain 仲 以 一 身 監 犯 Look 在 獄 中 大 跳 勁 舞 ， 又 玩 埋 怪 醫 秦 博 士 髮 型 上 身 ， 最 後 被 差 佬 圍 捕 兼 一 槍 打 瓜 埋 ， 精 采 程 度 簡 直 媲 美 真 正 電 影 。

遊 戲 內 亦 收 錄 Rain 香 港 時 絕 密 片 段 ， 睇 落 開 發 商 都 幾 照 顧 香 港 Fans 。 最 有 趣 係 Rain 上 次 香 港 時 ， 曾 施 調 虎 離 山 計 ， 用 「 假 Rain 」 避 開 記 者 追 訪 ， 遊 戲 頭 更 大 爆 Rain 做 呢 個 冒 牌 貨 形 象 指 導 ， 認 真 抵 死 。

賺 錢 送 禮 畀 偶 像

■ 真 人 Rain 同 你 猜 包 剪 ， 羨 慕 死 人 。 
   

    在 《 Rain Wonder Trip 》 ， 玩 家 扮 演 Rain 忠 實 Fans ， 偶 像 做 巡 迴 演 唱 ， 佢 去 邊 你 就 跟 到 去 邊 ， 了 解 Rain 工 作 日 程 之 餘 ， 仲 可 同 Rain 玩 互 動 遊 戲 ， 睇 佢 鏡 頭 後 一 面 。

遊 戲 中 有 個 Super Rain TV 電 視 台 模 式 ， 提 供 Shop Shop Rain 、 I Do Theatre 、 Sky Music Hour 、 Quiz Billionaire 和 Daily Horoscope 五 大 頻 道 ； 透 過 Quiz Billionaire 答 問 題 賺 錢 ， 跟 手 就 可 買 禮 物 送 畀 偶 像 ， 不 過 問 題 係 超 級 Fans 先 識 答 種 ， 一 都 唔 容 易 ！ 又 可 以 在 Sky Music Hour 和 I Do Theatre 睇 偶 像 新 舊 MV ， 以 及 拍 廣 告 和 劇 集 時 幕 後 花 絮 ， Fans 肯 定 滿 足 到 爆 。

除 上 述 Mini Game ， 玩 家 仲 可 以 同 Rain 猜 包 剪 ， 又 或 跟 偶 像 學 講 日 文 （ 居 然 唔 係 韓 文 ！ ） ， 認 真 多 元 化 。

■ 貼 身 追 隨 Rain 巡 迴 演 唱 之 旅 。  
 

  ■ 相 簿 入 面 大 把 Rain 靚 相 慢 慢 睇 。 
  

   ■ 錢 唔 多 ， 平 平 送 粒 糖 一 樣 受 ！ 
     

      ■ 歌 迷 為 偶 像 賀 生 日 ， 好 sweet 呀 ！ 
       

     印 度 西 施 搞 笑 占 卜
5 條 頻 道 中 仲 有 條 Daily Horoscope ； 簡 單 講 係 玩 占 卜 ， 所 有 紙 牌 圖 案 當 然 變 晒 Rain 帥 哥 樣 啦 ！ 入 面 有 兩 個 占 卜 師 ， 一 個 係 印 度 西 施 ， 飛 隻 牌 出 好 有 氣 勢 ； 一 個 係 玩 水 晶 球 巫 婆 ， 全 都 係 必 玩 搞 笑 環 節 ！

用 高 價 搵 人 氣 天 王 Rain 做 主 角 ， 原 來 係 日 本 兩 大 巨 頭 合 併 Bandai Namco 作 品 。 呢 隻 係 佢 首 款 PSP Game ， 目 標 清 晰 明 攻 女 性 市 場 ， 7 月 6 日 東 南 亞 同 步 推 出 ， 香 港 仲 有 繁 體 中 文 版 。

今 次 日 本 仔 睇 中 Rain 超 強 人 氣 ， 可 謂 繼 02 年 世 盃 後 ， 再 一 次 日 韓 聯 手 ， 誓 要 掀 起 女 性 PSP 遊 戲 熱 潮 ， 挑 戰 NDS 女 性 遊 戲 較 多 較 強 局 面 ！

■ 印 度 西 施 飛 隻 牌 出 ， 佢 就 係 你 今 日 Luck Face 
   

    ■ 搵 巫 婆 用 水 晶 球 占 卜 運 程 ， 結 果 又 見 到 Rain 。
   

     搶 先 睇 最 新 《 Bad Boy 》 MV

   ■ Rain 個 髮 型 好 鬼 怪 醫 秦 博 士 Feel 。
     

     ■ 最 新 MV 《 Bad Boy 》 監 獄 度 拍 。
      

        ■ 監 犯 Rain 跳 起 舞 一 樣 咁 型 。
       

        ■ 放 監 之 後 同 成 班 Bad Boy 再 跳 過 。
       

       ■ 有 齊 最 新 MV ， Fans 唔 買 收 藏 點 得 ？
         

          ■ 連 Rain 訪 港 絕 密 片 段 都 有 得 睇 。 
          

            ■ 孩 子 臉 笑 容 死 Fans 。
            

          轉自:비withRain http://cloud-taiwan.net